BMunguu

Home /Гэр/ “Бидний гэр бидний эх дэлхий”

2012-01-29T14:19:00.001+08:00

Home /Гэр/

Алдарт гэрэл зурагчин Yann Arthus-Bertrand-ийн бүтээл энэхүү баримтат кино нь 2009 онд дэлгэцнээ анх гаржээ. Киног бүтээхдээ дэлхий дээрх олон төрлийн газраас буюу нийт 54 орны 120 газрын дээгүүр 217 өдрийн турш агаарын зураг авалт хийсэн нь дэлхий дээрх өөр өөр онцлог амьдралын зураглалуудыг, хүн төрөлхтөн газар дэлхийн экологийн тэнцвэрт байдалд хэрхэн сөргөөр нөлөөлж буйг харуулсан байна.

Киноны товч агуулга нь өнөөгийн цаг уур, уур амьсгал, ирээдүйд тохиох удаан хугацааны уршигийг бүтээгч амьтны төрөл болох хүн төрөлхтөн бид хэрхэн оршин тогтнож байгаа хийгээд дэлхийн улс орон, нөхцөл байдлуудыг харуулжээ.

Киноны зохиол нь амьд бие махбодиуд, дэлхий ээж хоорондоо хэрхэн байгалийн зохицолдлогоор нарийн чанга уялдаатай холбогддог мөн хэрхэн амьд бус биетүүд тусгаар байдаг талаархи холбоо хэлхээг бүхэлдээ дүрсэлсэн байна.

Киноны эхний цагт газрын тосны тоноглол, түймэр, үйлдвэр, хотууд болон өмнө хэзээ ч байгаагүй ялгаа үүссэний талаар үзүүлэх бөгөөд хөдөө аж ахуйн хувьсал болон үүний нөлөөг гайхалтайгаар харуулна. Энэ нь одоогийн ярвигтай асуудлууд, хувийн эдлэн газар, ой модыг замбараагүй тайрах, сүйтгэх, хоол хүнс, усны дутагдал нөхөн үл сэргэгдэх чулуужсан усны хэрэглээ, хямрал, эрчим хүчний хомсдол зэргийн тухай юм.

Нью-йорк, Лас вегас, Лос-анжелес, Шэнэзэнэ, Мумбай, Токио болон Дубай зэрэг хотууд буруу менежмент, эрчим хүчний алдагдлын бодит жишээгээр тус кинонд тусгасан байна. Агаарын зургаас Антарктид, Хойд туйл, Африкын намаг болсон газруудын хөндий хонхор, мөсөн гол зэрэг харагдаж байхад нөгөө талаас өргөн олны цагаачлал, цагаачлалын хэр хэмжээ харагдана.

Үндсэндээ тус кино нь дэлхийн дулаарал дээр голлож сэдэвлэгдсэн. Мөсөн гол хайлж, далайн түвшин нэмэгдэж, цаг агаарын бүтэц өөрчлөгдөж буйг харуулахын зэрэгцээ эдгээр нь хүн ам шигүү суурьшсан газруудад удахгүй хэрхэн нөлөөлөх талаар харуулсан.

Киноны 3 минут хар дээрх том цагаан текстэд хатуу ширүүн бодит байдлыг дүрсээр өгсөн нь эерэг дүгнэлтийг дагуулсан. Тус кино нь эх дэлхийд бидний үүсгэж буй “аймшигт үнэнийг” харуулах зорилготой байсан төдийгүй одоогийн бидний нөхөн төлжих эрчим хүч, бүр илүү үндэсний хүрээлэнгүүдийн бүтээн байгуулалт, байгаль орчины асуудлууд дээр олон улс хоорондын хамтын ажиллагаа, дээд боловсрол, дэлхий ертөнцөд нүүрлээд буй өнөөгийн асуудлуудад хариу өгөхөөр дэлхий даяар шинэчлэл хийж буй бидний ажлыг харуулжээ.

"Гэр" кино дахь олон нийтийн хариу:

“Гэр” киног олон нийтийн видёо бичлэгийн YouTube сайт-д нийтлэгдсэний эхний 24 цагт тус кино руу 400,000-аас дээш хандалт орсон нь маш хүчтэй бүтээл болж чадсаныг илэрхийлжээ.

Бид онцгой, ер бусын цаг үед амьдарч байна. Эрдэмтэд байгалийн нөөцийн дутагдал, дэлхийн цаг уурын сүйрлийн явц зэргийг зайлуулах мөн амьд байгалийг үлдээхийн тулд дэлхийг аврах зөвхөн 10 жилийн хугацаа бидэнд үлджээ гэж мэдэгдээд байна.

Дэнчин бидэнд болоод бидний үр хүүхдүүдэд хэтэрхий өндөр юм.

Хүн бүр өөр өөрсдийн хүчин чармайлт гаргах хэрэгтэй. Хүн бүр. “Гэр” хүн бүрийг дайчлах мессэжийг уриалсан. Энэ зорилго нь "ГЭР" эрх чөлөөтэй байх хэрэгтэй гэсэн санаа юм.

YouTube дээр дараах улс орны хэлүүдээр гарсан байна. Монгол хэлнээ тус кино хөрвүүлэгдээгүй учир дэлхийн дуу хоолойг Монгол түмэндээ хүргэх зорилгоор тус киног орчууллаа.

Франц хэл дээр 4,457,643
Англи хэл дээр 15,856,0750
Орос хэл дээр 1,202,062
Герман хэл дээр 2,695,716
Испани хэл дээр 3,806,572
Араб хэл дээр 821,094
Итали хэл дээр 244,095

Шинэ удирдагчдын гаргадаг хамгийн түгээмэл 3 алдаа (Тэдгээрээс зайлсхийх арга замууд) /Орчуулваа/

2012-01-13T20:15:00.002+08:00

Шинэ удирдагчдын гаргадаг хамгийн түгээмэл 3 алдаа

(Тэдгээрээс зайлсхийх арга замууд)

Удирдах албаны ямар ч албан тушаалд томилогдож шинэ үүрэгт ажлаа хүлээн авна гэдэг сэтгэл хөдлөм гайхамшигтай мөч. Нэг талаараа хамгийн аюултай зүйлүүдийн нэг ч юм шиг. Бүтээмжтэй Удирдагчдын Төвөөс /Center for Creative Leadership/ явуулсан судалгаагаар шинээр томилогдож байгаа менежер болон удирдах албан тушаалтай ажилчдын 40 хүртэлх хувь нь хүлээсэн үүрэгт ажилдаа 18 сараас дээшгүй ажиллаж байна гэсэн дүгнэлт гаргажээ.

Юу болохоо байчихаа вэ? Судалгаанд хэдэн мянган залуу удирдагчдын бүлэг хэсгийг авч үзсэн. Харин Индианагийн Их сургуулийн Бизнесийн Кэлли сургуулийн судлаач, эрдэмтэд шинэ удирдагчид яагаад энэ жалга руу унаад байгаа үндсэн шалтгаануудыг тодорхойлжээ.

Үндсэн 3 шалтгаан:

Үр нөлөөгүй харилцааны чадвар
Сул буюу үр ашиггүй харилцаа холбоо
Хүлээлтийг буруу тодорхойлох

Аз болоход, шинэ удирдагчдад амжилтынхаа бооцоог ахиулахад хийх 3 энгийн шийдэл байна. “Дараагийн шат” номондоо би шинэ удирдагчдын эхний сардаа хийх зүйлсийг дурдсан:

1. Уулзалт, мэндчилэлт: Шинэ удирдагчийн ажилдаа ороод хийх нэн тэргүүний зорилт бол байгууллагын түлхүүр болсон ажилчдыг мэдэх ёстой юм. Үр нөлөөтэй удирдагч ажилдаа ороод удалгүй, эртхэн олон чиглэлд холбоо тогтоосон байх хэрэгтэй мөн:

Дээш, доош харж шилдэг менежмент болон шууд мэдээлэллийн гинжин холбоосыг хайж.
Баруун зүүн тийш харж өөртэйгөө зиндаа тэнцүү удирдлагын багийг судлаж олж.
Байгууллага дахь ажилтнуудыг нөлөөлөгч болон мэргэжилтэн зэргээр нь диагнолдаж судлаж.
Байгууллагын гадаад орчин дахь түлхүүр үйлчлүүлэгчид болон үндсэн хамтрагч байгууллагуудыг судлаж мэдэх хэрэгтэй байдаг.

2. Бага ярьж, их сонс: Шинэ ажилтны зорилго бол аль болох түргэн хугацаанд байгууллагын онцлог, үйл ажилд суралцах явдал байдаг. Энэ нь их сонсож, бага ярихаас эхэлнэ. Зарим нийтлэг асуултуудыг гаргаж асууснаар, удирдагчид шинэ ажилд нь юу ихэнхдээ өрнөдөг тухай мэдээлэл авах боломжтой болдог. Асуухад тохиромжтой зарим асуултуудыг багтаалаа:

Энэ жил таныг болон таны багыг амжилтанд хүргэх түлхүүр юу вэ?
Таныг болон таны багыг амжилтанд хүргэхэд миний бие болон манай баг ямар тусламж үзүүлэхийг та хүсч байна вэ?
Манай багын сайн ажиллагаа үргэлжлэхэд юу хамгийн чухал гэж та бодож байна вэ?
Манай баг илүү үр дүнтэй ажилдаг болохын тулд манай багыг та юу хийгээсээ, юуг хийхээ зогсоогоосой гэж хүсч байна вэ?

3. Амжилт ямар харагдахыг олж мэд: Шинэ удирдагчдын асуух ёстой хамгийн чухал асуулт бол:

“Манай багын амжилт одоогоос 6 сарын дараа, 12 сарын дараа мөн 24 сарын дараа ямар хэмжээнд очсон байна гэж та төсөөлж байна вэ?” гэх асуулт юм.

Уг асуултыг асууснаар шинэ удирдагчид юу хүлээхээ тодорхойлох боломжтой болж хэн илүү тус болох ажилтан байна гэдгийг ялгаж салгах суурьтай болдог.

Дээрх санамжууд нь хэтэрхий энгийн мэт сонсогдож байна уу? Магадгүй ээ тийм байх, гэхдээ шинэ удирдагчийн гаргадаг алдаанууд нь дээрх зүйлсийг хэрэгжүүлээгүйд илэрч байдаг.

Хэрэв та өндөр түвшинд хүрье гэж хүсч байвал, та амжилтандаа хүчтэй, жинтэй суурийг тавих хэрэгтэй. Дээрх үндсэн 3 санаа нь таныг ажлаа эхлүүлэхэд амжилтанд хүргэх батлагдсан үйл явц юм.

Скот Эблин нь “Дараагийн шат: Амжилттай удирдлагын тухай дотоод ажилчид юу мэддэг вэ? “ номын зохиогч, удирдах албан тушаалтны дасгалжуулагч, спикер, нийтлэгч юм. Тэрээр Fortune 500 HR-ийн экс захирал, Эблин группын ерөнхийлөгч, Дэвидсон Коллеж, Харвардын Их сургууль, Жеоржитауны удирдлагын дасгалжуулагч хөтөлбөрийн төгсөгч бөгөөд одоогоор энэ салбартаа ажилаж байгаа.

Эх сурвалж: http://michaelhyatt.com

Удирдагч хүний баримтлах зарчимууд /Орчуулваа/

2012-01-13T18:17:00.002+08:00

Удирдагч хүний баримтлах зарчимууд

Удирдагч таныг ямар байх ёстой, юу мэдэж байх ёстой, юу хийх ёстой буюу “be – know – do” “бай-мэд-хий”–г гүйцэтгэхэд дараах 11 зарчим тусална.

1. Өөрийгөө олж тань, өсч хөгжих өөрийн бололжуудаа судла - Өөрийгөө олж таних нь өөрийгөө юу мэддэг, юу үргэлж хийдэг, өөрийн аливаад ханддаг хандлага болон өөрийнхөө орчин нөхцөл байдлыг танихад оршдог. Өсч хөгжих өөрийн боломжуудаа хайж судла гэдэг нь өөрийнхөө аливаад хандах хандлагыг тасралтгүй бэхжүүлж хүчтэй болгоход чиглэнэ. Аливаад суралцах, аливааг эргэцүүлэх, бусадтай харилцан ойлголцох зэрэг үүнд хамаардаг. Өөрийгөө олж тань, өсч хөгжих боломжуудаа хай. Өөрийгөө удирдаж эхлэ. Өөрийгөө удирдаж эхлээгүй хүн бусдыг удирдаж эхлэхгүй.

2. Зарчмын хувьд чадвартай бай - Лидер хүн өөрийнхөө ажлыг мэддэг байх ёстой. Ажилчдынхаа ч үүрэг даалгавар, тэдний ажил хэрхэн хийгддэг талаар мэдлэгтэй байх шаардлагтай.

3. Үйлдэлдээ үүрэг хариуцлагыг үүрэхийг эрэлхийл бас үүр - Байгууллагаа шинэ түвшинд гаргах арга замуудыг эрэлхийл. Харин асуудал үүсэх үе гарвал, бусдыг бүү буруутга. Нөхцөл байдлыг шинж, хамгийн зөв хариу үйлдлийг барьж ав тэгээд дараагийн шалгуурдаа шилж.

4. Найдвартай байдлыг ханга, цагаа олсон шийдвэрийг гарга – Асуудлын шийдлийг олоход төвлөр, шийдвэр гарга. Төлөвлөлтийн шилдэг арга техникүүдийг ашигла.

5. Үлгэрлэ /Жишээ болж харагд/ - Ажилчиддаа тохирсон нэг дүр болж харагд. Тэд зөвхөн юу хүлээж буйгаа сонсох ёсгүй, хажуугаар нь үргэлж харж мэдэрч байх хэрэгтэй. Энэ нь тэдний хувьд хөдөлгөгч хүч, чиглүүлэгч луужин болно. “Бид харахыг хүсч байгаа зүйл шигээ өөрчлөгдсөн байх ёстой” гэж Махатма Ганди хэлсэн байдаг.

6. Өөрийнхөө хүмүүсийг сайн таньж мэд, сайхан чанар дээр нь төвлөр – Хүний мөн чанар, ажилчиддаа хандах чин сэтгэлийн ид шидийг таньж мэдэж онцгой жижигхэн тохиолдолууд дээр ч хэрэглэж бай.

7. Чадварлаг ажилчдыг овоо хараандаа байлга - Зөвхөн бүх ажилчидтайгаа хэрхэн харьцах нь чухал ч, мэдээлэл ихтэй, байгууллагын түлхүүр гол ажилчидтайгаа хэрхэн харьцах нь бүр илүү чухал юм.

8. Ажилчдынхаа үүрэг хариуцлагын мэдрэмжийг нэмэгдүүл – Ажлынхаа үүрэг хариуцлагыг үүрэхэд тус болох тэдний сайхан зан авирыг хөгжүүлэх үйлдэл үргэлж хийж бай.

9. Үүрэг даалгаврыг ойлгогдохуйц, зохицуулагдахуйц, хүрэхүйц зүйл гэдгийг батал - Энэ харилцаа нь үүрэг хариуцлага тооцох түлхүүр.

10. Ажилчидаа багаар ажилуул– Байгууллагын удирдагчид хэдий байгууллагаа, салбараа, хэлтэсээ нэг баг гэж боддог ч, яг үнэндээ тэд нь баг байж чаддаггүй. Тэд зүгээр л өөрсдийн томилогдсон ажлаа хийж байгаа бүлэг хүмүүс байдаг.

11. Байгуулагынхаа бүхий л чадамж бололцоог ашигла - Баг доторх сэтгэл санааг бэхжүүлснээр та байгууллага, салбар, хэлтсийнхээ бүхий л хүч чадлыг шавхан удирдах боломжтой болно.

Удирдлагын хандлага

Хэрвээ чи итгэл хүлээсэн удирдагч бол чамайг хүндэлдэг тойрон хүрээлэх хүмүүс өснө. Үүн шиг удирдагч байхын тулд, удирдах ур чадварын дараах ерөнхий бүдүүвч таныг хөтлөх учиртай.

"BE-KNOW-DO"

"Бай-Мэд-Хий"

Бай: “Мэргэжлийн” Жишээлбэл: Байгууллагдаа үнэнч, онцгой чухал ажлуудад өөрийгөө умартсан, аливааг золиослоход, үүрэг хариуцлагыг үүрэхэд мэргэжлийн мэт бэлэн бай.
Бай: “Сайхан чанарыг эзэмшисэн” Жишээлбэл: Шулуун шударга, өрсөлдөх чадвартай, үзэл бодолдоо үнэнч, бат бөх эр зоригтой, илэн далангуй, уран сэтгэмжтэй бай.
Мэд: “Удирдлагын 4 хүчин зүйлийг” – Дагалдагч, Удирдагч, Харилцаа, Нөхцөл байдлыг олж мэд.
Мэд: “Өөрийгөө бүрэн таньж”. Жишээлбэл: Өөрийнхөө мэдлэг, ур чадвар, зан араншины давуу тал, сул таньж мэд.
Мэд: “Хүний мөн чанарыг”. Жишээлбэл: Хүний хэрэгцээ, сэтгэл хөдлөл болон ажил дээрх бухимдал стрессд хэрхэн хариу үзүүлдэг зэргийг олж мэд.
Мэд: “Өөрийнхөө ажлыг”. Жишээлбэл: Чадамжтай чадвартай байж, зарим тохиолдолд ажилчдынхаа гардан хийдэг ажлыг хийж байхад нь илүү сайн хийх арга замыг заах ур чадвартай болох мэдлэгийг олж мэд.
Мэд: “Байгууллагаа”. Жишээлбэл: Байгууллагын эрхэм зорилго юу болох, байгууллага хаашаа явж байгаа болох зэргийг мэд.
Хий: “Чиглэл тогтоох ажлыг”. Жишээлбэл: зорилгодоо хүрэх орчин, асуудлын шийдлийг олох асуудал, шийдэл гаргах, төлөвлөх зэрэг “Чиглэл тогтоох” ажлыг хий.
Хий: “Хэрэгжүүлэлт”. Жишээлбэл: Харилцах, зохицуулах, хянах, үнэлэх зэргийг хий.
Хий: “Идэвхижүүлэлт”. Жишээлбэл: Байгууллага дахь ёс суртахуун, эерэг сэтгэл санааг сургалт, лекц хичээлээр нэмэгдүүлэх ажлыг хий.

Эх сурвалж: www.nwlink.com/~donclark/leader/leader

2012 оны 12 санамж /багшийнхаа бичсэн юмыг оруулчлаа. Уншигчдад маань хэрэгтэй/

2012-01-13T10:59:00.000+08:00

2012 оны 12 санамж

Өнөөдрөөс эхлэн лхагва гараг бүр сайтынхаа уншигчидтай “зөв шуудан” булангаараа уулзах болно. Анхных нь энэ.

Сайны ерөөл дагуулсан шинэ он гарчихлаа. Нас нэмлээ. Хариуцлага ч нэмэгдэж байна. Хол ойргүй, хот хөдөөгүй хийснээ дүгнэж, хийхээ төлөвлөж байна. Өнгөрснийг нэгэнт буцаан авчирч чадахгүй учир ирээдүйдээ эрч хүчээ, эрдэм ухаанаа зарцуулах нь өлзийтэй. Гишгэсэн мөрөө харах нь чухал ч гишгэх зам мөрөө харах нь бүр чухал. Учир нь бид хойшоо биш урагшаа явж байгаа. Хойшоо харчихаад урагшаа явж нэгэнт чадахгүй шүү дээ.

Бидний олонх нь энэ онд хийх ажил төрөлдөө төвлөрч байна. Амжилтаа ахиулахыг хүсэж байна. Хийх ажилдаа анхаарах нь чухал ч түүнийг гүйцэтгэх ур чадвар, өөрийн давуу тал болон боломждоо төвлөрөх нь бүр чухал. Хөгжил хоцрогдол, дэвшил бууралт, ялалт ялагдал, амжилт бүтэлгүйтэл аль аль нь та бидний бодлын зуршил, сэтгэлгээний хэв маяг, ажлын дадал зуршил, мэдлэг туршлагаас олон зүйл шалтгаалдаг. Иймээс та бидний гүйцэтгэлийг нэмэгдүүлж, амжилтыг ахиулахад тус болох 12 санамжийг санал болгож байна.

Эхлэлийн цэг. Бүх зүйл бидний төсөөллөөс, оюун санаанаас үүдэлтэй хэмээн эртний судруудад өгүүлсэн байдаг. Угаас оюун санааны ертөнцөд шийдэгдээгүй зүйл ахуйн ертөнцөд шийдэгддэггүй. Боломжийн хаалга үргэлж нээлттэй байдаггүй нь үнэн ч түүнийг нээх боломж та бидний бодолд үргэлж байдаг нь үнэн билээ. Чадахгүй, бүтэхгүй, болохгүй гэсэн бодол боломжийн хаалгыг үргэлж цоожилдог. Амжилтын жимээр амар тайван алхах эсэх нь бидний оюун санаан дахь “чадах”, “чадахгүйн” хоорондын тулаанаас эхлэлтэй. Иймээс бодлын зуршилдаа анхаарцгаая. Эрхэм уншигч та юм болгоныг хар бараан, муу муухай талаас нь харж шүүмжлэхийн дон тусчихсан биш биз?. Бодлын зуршил яваа яваандаа байнгûн дадал зуршил болдог. Биологийн зуршил болдог. Бид дадал зуршлийг бий болгодог ч эцсийн дүндээ түүнийхээ боол болон амьдардаг хэмээн Жон Максвел тун онож хэлсэн билээ. Өнөөрдөөс эхлэн хар толгойдоо эргэлдэж байгаа түмэн зүйлийн хар бараан бодлоо хаяж эерэг зөв санаа оноогоор амжилтынхаа суурийг бүтээцгээе.

Эхнээс нь төсгөл хүртэл сайтар төлөвлө. Төлөвлөөгүй амжилтыг л аз гэх байх. Азын тэнгэр хэн нэгнийг байнга ивээдэггүй. Аз түр зуурынх байдаг. Хэсэгхэн хормын жаргал л авчирдаг. Хормын биш байнгын, түр зуурын биш тогтвортой амжилттай ажиллахын тулд хийх ажлаа сайтар төлөвлөх хэрэгтэй. Ихэнх хүмүүс тархиа биш зүрхээ дагадаг. Тэдний төлөвлөгөө тодорхой биш байдаг бөгөөд саад тотгор учрах үед л шийдвэрээ гаргадаг. Шведийн SIPU агентлагийн судалгаагаар хүмүүсийн 10 орчим хувь нь ажил амьдралаа төлөвлөн удирдаж чаддаг проактив хандлагатай бол бусад нь хоосон мөрөөдөгчид эсвэл хэрэгцээндээ удирдуулсан нөхөд байдаг гэнэ. Бид нэг бол амьдралаа удирдах, үгүй бол урсгалаар явах гэсэн хоёр замын аль нэгийг сонгох болдог. Бэлэнчлэхгүй, урсгалаар явахгүй аливаад бэлтгэлтэй, бодолтой, төлөвлөгөөтэй хандах нь бидний зам. Төлөвлөлт бол төсөөлөл биш. Бодит төлөвлөлт бол төгсгөл хүрэх бүх хувилбаруудыг гаргадаг бол төсөөлөл бол ирээдүйн талаарх хүсэл юм. Сайн төлөвлөлт бол бодолд эргэлдэж буй хийчихмээр олон ажлыг чухлаар дараалуулахад тус болдог. Уншигч та ажлаа хаанаас эхлэхээ одоо хэр шийдэж чадаагүй байгаа бол төлөвлөлтөндөө төвлөрч суугаагүйн шинж. Юуг хийх вэ гэхээсээ илүү юуг хийхгүй вэ гэдгээ та энэ хэсэгт шийдээрэй. Хийх ажлаа хамгийн чухлаас эхлүүлээд цаасан дээр заавал буулгах учиртай. Харин одоо та энэ оны ажлын төлөвлөлтөө тархинаасаа цаасан дээр буулгасан эсэхээ шалгаарай.

Төлбөрөө төл. Сайтар төлөвлчихсөн бол зоригтой эхэл. Зориг дагаж хийморь сэргэдэг юм гэнэ лээ. Эхэлнэ гэдэг ажлын тэн хагас гэдэг. Харин эхлээд явж байтал бидний сонгоогүй хувилбар боломжийн санагдсан ч эргэж буцахгүй байх нь чухал. Бид нэг доор бүхнийг авч чадахгүй учир гаргасан шийдвэрт онох ч юм бий, алдах ч юм бий. Сонголт бүхэн төлөөстөй. Үнэгүй зүйл гэж хаана ч байхгүй, бүгд төлбөртэй гэдгийг санацгаая. Өгөх ёстой зүйлийг нь нэг удаа төлөхгүй байж болох ч хэзээ нэгэн цагт заавал нөхөж төлдөг жамтай. Төлөөс заавал мөнгө байх албагүй. Цаг хугацаа, түүнд зарцуулах цаг, хөлс хүч, эрчим, эрүүл мэнд, гэр бүл, сэтгэл санаа гээд олон зүйлээ зориулахыг шаардана. Бизнес бол хамгийн шударга төлбөртэй үйл ажиллагааны нэг.

Давуу талдаа төвлөр. Хүн бүрт давуу болон сул тал бий. Ямар ч хүн сул талаасаа бүрэн ангижирч чадахгүй учир давуу талдаа төвлөрөх нь хувийн бүтээмжийг эрс нэмэгдүүлдэг болохыг орчин цагийн менежментийн эцэг П.Дракер олонтаа онцолжээ. Давуу талдаа төвлөрөхийн тулд чаддаг ажлаа чанартай сайн гүйцэтгэхээс эхэлнэ. Нэг сумаар хоёр туулай буудаж болох ч зүрхийг нь зэрэг онох боломж тун бага. Та нэг ордыг өнгөцхөн ухаад өөр орд руу дамжин явснаас баялаг ихтэй нэг л ордыг гүн ухвал ашигтай. Иймээс өөрийн хүч чадлыг сарниулахаас болгоомжилж үргэлж хамгийн сайн хийж чадах ажилдаа төвлөр. Суут ухаантан бусдын хийж байгааг гүйцэтгэж чадна гэдгээ мэддэг учир юм болгон руу савчдаггүй. Аугаа жанжин Наполеон дайсныхаа хамгийн сул тал дээр, өөрийнхөө давуу талд тулгуурлан хүчтэй төвлөрдөг байж. Энэ нь түүний ялалтын нэгэн нууц байсан гэлцдэг. Давуу талдаа төвлөрөх гэдгийг зөвхөн нэг ажлаа удаан хугацаагаар хийнэ хэмээн өнгөцхөн ойлгож болохгүй. Гардан гүйцэтгэж буй ажил үйлсээ зорилготойгоо өдөр бүр нэгтгэж бай. Зарим хүмүүс эрхэлж буй ажлаасаа тэс өөр зүйл мөрөөдөөд ажиллаад байдаг. Үр дүн огт гардаггүй. Яаж ч гарах билээ. Гүйцэтгэж буй үйлсээ бүрэн гүйцэт хийе гэвэл хийж байгаа ажилдаа төвлөр, бодож буй зүйлээ хийх нь өлзийтэй бөлгөө.

Бэрхшээлийг эрхшээлдээ оруул. Аливааг хийж хэрэгжүүлэх алхам тутамд асуудалтай нүүр тулна. Асуудалгүй айл өрх, албан байгууллага, улс орон гэж үгүй. Яагаад гэвэл тэнд хүмүүс байгаа учир. Хүн өөрөөсөө зугтаж үл чадах учир асуудал байсаар байх нь зүй ёсны хэрэг. Асуудал өөрөө бэрхшээл зовлон биш боломж байдаг хэмээн амжилтын ноён оргилууд олонтаа өгүүлжээ. Хөгжил дэвшил бүхэн сүүдэр дагуулдаг шиг асуудал заримдаа өөрчлөлт шинэчлэлийн эх булаг байх нь элбэг. Өвчлөл анагаах ухааны хөгжлийг урагшлуулсан, ажилгүйдэл ядуурал хөгжлийн оночтой бодлогыг бий болгодог шиг асуудал заавал шийдэл дагуулдаг. Хамгийн гол нь асуудлыг хэрхэн хүлээн авч түүнд ямар хариу шийдэл гаргаж байгаа нь жинхэнэ асуудал. Нэг хэсэг нь асуудлаа явцуу таньж буруу хариу үзүүлж “томруулдаг нүдний шилээр” харж байхад нөгөө хэсэг нь байдаг л нэг бэрхшээл гэж үзнэ. Бодитоор шүүнэ. Асуудлаа халтирч танивал аюул, онож оношловол ололт болохыг санацгаая.

Олон толгой нэг зүрх. Орчин үеийн менежментийн хаíдлагаар гав ганцаараа гайхамшгийг бүтээх бараг л боломжгүй. Ганцаараа зүтгэснээс нийлээд хийвэл хэд дахин илүү үр ашиг авчирдаг болохыг бид бүгд мэднэ. Багт “1+1=3” гэсэн агуу дүрэм үйлчилдэг. Олон толгойтой нэг зүрхтэй хэсэг хүмүүсийг жинхэнэ баг гэнэ. Толгой нэг байвал баг биш дарангуйлал болно. Нэг янзаар л сэтгэнэ. Бүтээмж үл ахина. Харин хичнээн олон толгой, өөр өөр байр суурь байсан ч зүрх сэтгэл, хүсэл зорилго нэг байж чадвал хариуцлагатай баг бүрэлдэнэ. Хэвшсэн сэтгэлгээ, тогтсон хандлагыг зад татаж гэмээнэ бүтээл гарна, үр ашиг арвижна. Баг бүтээхийн тулд харилцаандаа хиймэл дүр эсгэхээ багасгаж, сэтгэлийнхээ багийг тайлж байгаагаа ойлголцож сурах хэрэгтэй. Багаа бат бөх байхаар бүрдүүлчихвэл түүнийхээ гүйцэтгэлийг нэмэгдүүлэхэд онцгой анхаарах л үлдэнэ дээ.

Гурван “Д”-тэй зөв харилц. Олуулаа нийлээд ажиллахаар ойлголцохгүй зүйл их гарна. Олон янзын ааш авир илэрнэ. Олонх нь харилцааны бэрхшээл байдаг. Харилцаа бол хамтын ажиллагааг сайжруулдаг эсвэл сааруулдаг гол зүйлсийн нэг. Ихэнх хүн харилцаагаа сайжруулна гэдгийг хэсэг бүлэг хүнд чиглүүлдэг. Даргатайгаа, эсвэл найзтайгаа ч юм уу. Хэсэг бүлэгт таатай, хэсэг бүлэгт хүйтэн хөндий, хахир хатуу ханддаг байж хэрхэвч болохгүй. Даргыгаа даган долигонож, ажилчдаа дарамталж загнадаг байх нь ёсзүйгүй бөгөөд бялдууч хүний шинж. Ажлын байранд ч тэр, амин хувьд ч тэр даргатайгаа, дэргэдээ байгаа найз нөхөд, ижил түвшний менежерүүдтэй, доор байгаа албан хаагчидтай бүгдтэй нь чин сэтгэлээсээ харилцах нь чухал. Бүх хүнтэй нэг л өнгө аясаар, ижил тэнцүү харилц гэж байгаа юм биш. Хүнийх нь хувьд хүнтэтгэн хүлээцтэй сонсож, чин сэтгэлээ санаа оноогоо хэлэх нь чухал. Зөв харилцаж сурахад зөвхөн мэдлэг биш мэдрэмж хэрэгтэй. Зөв цагт, зөв хүнтэйгээ зөв аргаар ойлголцохыг л зөв харилцаа гэх байх.

Өөрийгөө хэрэгжүүл. Өөрийгөө ол, өөрийгөө удирд, өөрийгөө хэрэгжүүл хэмээх эртний мэргэн үг бий. Шинэ он, шинэ сар, шинэ долоо хоногийн эхээр ажил амьдралаа сайжруулахаар өөртөө амлалт өгдөг. Нэг хэсэгтээ л идэхвждэг. Хэсэг хугацааны дараа буцаад хуучин төлөв байдалдаа орчихдог. Бидний ихэнх нь эрч хүчтэй эхлүүлдэг ч хэвшүүлдэг, тогтвортой хэрэгжүүлдэг нь цөөхөн. Тамирчны ялалт эцсийн дүндээ “форм” барихтай салшгүй холбоотой байдагтай адил ажил хэрэгч хүний ажлын амжилт өдөр тутмын дадал зуршилтай холбоотой. Өнөөдөр завгүй байна, тэгж байгаад дараа нь амжуулчихна хэмээх бодол “яаралтайн гайт эргүүлэгт” орчихсоны хурц илрэл. Хичнээн төлөвлөөд түүнийгээ хэрэгжүүлдэггүй, хэрэгжээгүй шалтгаанаа ажил энэ тэндээс оволзоод гэх тайлбар тавих хүнийг хаанаас бол хаанаас олж болно. Ажлын хэмнэл нь унаж боссон, тааралдсан бүхэн рүүгээ савчсан, таалагдсан болгоноо хийхийг хүсвэл эцэс сүүлдээ бухимдлаар дуусна. Хичнээн завгүй мэт байсан ч, хийх хүсэл төрөхгүй байсан ч бүтээх ёстой ажлаа гүйцэтгэх цагт нь хийж сурвал хувийн бүтээмж хэд дахин нэмэгдэнэ. Хийх ёстой зүйлсээ хугацаанд нь хийж хэвшүүлэх, тогтворжуулахад өөрийгөө зориулах нь маш чухал болохыг санаарай.

Жинхэнэ ба хуурамч мэдлэгийг ялга. Мэдлэг их харьцангуй ойлголт. Зарим нэг нь цээжилсэн мэдээ баримтаа мэдлэг гэж ойлгодог байхад нөгөө хэсэг нь мэдлэг олж авах ур чадварыг жинхэнэ мэдлэг гэж үзнэ. Мэдлэг их бага байх нь гол асуудал биш цэгцтэй эсэх нь гол. Хичнээн их мэдлэгтэй ч цэгцгүй бол тус болохоосоо илүү ус болдог. Иймээс “мэдлэг бол хүч” гэсэн Беконы алдарт үгийг “цэгцтэй мэдлэг бол хүч” хэмээн орчин цагт нийцүүлэн ойлгох нь зөв байх. Өнөө цагт мэдлэгийг олж авахад хэцүү биш болсон гэж судлаачид үздэг. Хаанаас бол хаанаас мэдлэгийг олж болно. Дракерийн хэлсэнчлэн “та өчнөөн зүйлийг мэднэ, зүгээр л холбо” гэдэг шиг бөндгөрт байгаагаа хооронд нь холбоход л хангалттай. Мэдлэгийг олж авах нь хялбар байж болох ч түүнийгээ эмхэлж цэгцлэх, үр дүн болгох нь харин хэцүү. Орчин цагт уншсан ном, сурсан сургууль, олж авсан диïломын тоогоор уралдах биш бүтээх чадвараараа, бүтээсэн амжилтаараа өрсөлдөж байна. Иймээс зөвхөн шинэ зүйлд суралцаад байх биш сурснаа хэрэгжүүлэхэд, мэдлэгээ эрэмбýлэхэд цаг гарга. Энэ жинхэнэ мэдлэгтэй болох үйл хэрэгт хөтөлнө.

Тархи ба түрүүвч. Таны толгой ажиллаж л байгаа бол түрүүвч зузаарах учиртай. Та сайн сэтгэж л байгаа бол сайхан амьдрах л учиртай. Аз жаргалтай амьдралын эцсийн шалгуур мөнгө бус ч амьдралыг тэнцвэртэй байлгахад хөрөнгө мөнгө гарцаагүй хэрэгтэй. Бурхны сургаальд хүртэл мөнгө өөрөө муу зүйл биш харин түүнийг буруу замаар олох, эсвэл нүгэлтэй үйлд зарцуулах нь буруу гэж үзнэ. Хэрэгцээгээ хангах, хүсэл зорилгоо биелүүлэхийн тулд бидэнд мөнгө шаардлагатай нь маргашгүй. Хүмүүний орчлонд мөнгөөр шийдэж болох бас түүгээр шууд хэмжиж болохгүй олон зүйл бий. Аливаа байгууллага, айл өрхийн мөнгө санхүүгийн багана ганхаад эхэлмэгц бусад зүйлдээ сүүдэр дагуулдаг. Ихэнх хүмүүс энэ бэрхшээлээ шийдэхийн тулд хамгийн түрүүн мөнгө төгрөг хялбар олох бэлэн аргачлалын эрэлд морддог. Хаана ч мөнгөтэй болох бэлэн жор байхгүй. Юуны өмнө мөнгө бол таны бодол санааны сүүдэр, хөдөлмөрийн үр шим гэдэгт итгэх хэрэгтэй. Шуналтай болгонд биш ур чадвартайд нь мөнгө өврөө нээдэг. Мөнгөтэй байх үндсэн хоёр л зам байдаг гэдэг. Эхнийх нь орлогоо тогтмол нэмэгдүүлэх. Удаах нь олсноо хэмнэж гамнаж сурах. Орлого нэмэгдэх нь сайн ч, баялаг биш. Орлогыг бодит баялаг болгох оюун ухаан, ур чадварын хослол л жинхэнэ баялаг. Иймээс мөнгө олохыг хүсвэл өөрийнхөө мөнгө хийж чадах үндсэн давуу талыг олж түүндээ төвлөр. Олсон орлого бүрээсээ хэмнэж гамна. Таныг цаг завгүй байлгадаг ажил тань өгөөж өгөхгүй, орлого чинь олигтой нэмэгдэхгүй, олсноо тогтоож чадахгүй байгаа бол хувийн санхүүгийн менежментдээ анхаарах болсныг сануулья.

Хүн чанар ба бүтээмж. Газарт унаж шороонд хутгалдсан мөнгийг түрүүвчиндээ хийх зуураа би ямар азтай байнаа гэж боддог атлаа гудманд яваа ядруухан эмээгийн хүнд ачааг өргөлцөх болохоороо би яасан азгүй байнаа, эмээтэй тааралдах гэж гэж боддог хүмүүс хаа сайгүй бий. Мөнгө хог шороотой хутгалдсан ч үнэ цэнээ алдахгүй байхад хүмүүс бид хүн чанараа гээсээр байна. Хийж буй ажлынх нь зэрэг зиндаагаар нь бие биендээ ханддаг болж. Амин хувийн ашиг сонирхлоо эхэлж бодох нь ёс мэт болж. Ашиг сонирхлын зөрчил ажил хийх зуур тохиолдолгүй яахав. Гэхдээ бүх зүйлд хувиа бодон довоо шарлуулах, өөрийгөө болгочихоод дараа нь бусдыг бодох нь дэндүү аминчхан санагддаг. Угаасаа бүрэн төгс болчихлоо гэх бодол надад огт төрж байгаагүй. Иймээс бие биенээ хамтдаа засаж сайжруулах нь хүмүүний зан чанар, уужуу тайван бодол, ухааралтай холбоотой. Хүний чанар гадна нь биш дотор нь оршдог. Эхлээд бид бусдыг гаднаас нь дүгнэдэг, дараа жинхэнэ чанарыг дотроос нь олж хардаг шүү дээ. Бид хоёр амьдрахгүй. Бидэнд холын бодол хэрэгтэй болохоос хоёр зан хэрэггүй. Ажлын бүтээмж нэмэгдэж, ашиг орлого дээшилсэн ч ааш авираа өөрчилж болохгүй. Хөрөнгө чинээ нэмэгдлээ гээд хүн чанараа гээж болохгүй. Нэг л амьдрах учир нэр төртэй байцгаая. Нэг нэгийгээ дэмжицгээе.

Эрүүл мэнд эмнэлэгт байхгүй. Өнгөрсөн жил Апплийн ерөнхийлөгч Стив Жобс хорт хавдрын улмаас хорвоог үүрд орхисныг бид мэднэ. Хэлж ирдэггүй хийсч ирдэг өвчин хэнийг ч авч явж чаддагийн жишээ энэ. Хичнээн их мөнгө, алдар нэр, эрх мэдэл, эрдэм ухаан байгаад тусыг олсонгүй. Ер нь хаа газрын хамгийн төгс эмчилгээ бол өвчилсний дараа нь биш өмнө нь урьдчилан сэргийлэх идэхвтэй алхам л байдаг. Хэрвээ хэн нэгний хийж буй ажил бие сэтгэлийг тань туйлд нь тултал ядраадаг, эсвэл эрүүл мэндийг муутгаж байгаа бол үргэлжүүлэн хийх эсэхээ бодоорой. Аливаа бизнес, ажил хэргийн үр дүн эрүүл мэнд доройтуулж, дундаж насыг доошлуулдаг байх учиргүй. Эрүүл бол жаргал, эрүүл мэнд бол баялаг гэдгийг бид сайн мэднэ. Гэхдээ өвдсөнийхөө дараа л ихэнх нь ухаардаг. Эрүүл байхын тулд эрүүл мэндийн талаар эрүүл зөв мэдлэгтэй болохоос эхэлнэ. Эрүүл мэнд эмнэлэгт, эмийн санд байдаггүй бидний өдөр тутмын дадал зуршилд оршдог. Уур бухимдал, стресс, буруу хооллолт, хөдөлгөөний дутагдал зэрэг нь эрүүл хүний эмнэлэг явах гурван үндсэн шалтгаан болдог гэнэ. Иймээс хоолыг эм мэт хэрэглэхгүй бол хожим хойно нь эмийг хоол мэт хэрэглэх аюултай тул зөв хооллоход анхаарцгаая. Уурлаж бухимдаад, орилж хашгираад юу ч өөрчлөгдөхгүй байж болох ч нас чинь богиносож, нүүр тань үрчийдэг болохыг санацгаая. Хүн хөгширч биш хөшиж, хөдөлгөөний дутагдлаас болж хорвоог орхидог тул хааяа ч гэсэн явган явж хотын түгжрэлийг бууруулахад хувь нэмрээ оруулан бусдад буян болцгооё.

Энд хүрээд 12 санамж өндөрлөж байна. “Хүн ухаантай ч хэлэхээс нааш...” гэсэн мэргэн санаа байдаг. Эх орон, эх нутаг, элгэн садандаа оруулж чадах бидний хувь нэмэр бол эрүүл мэнддээ, эрхэлж буй ажилдаа эзэн байхаас улбаатай. Энэ улс оронд чинь эрүүл “Монгол хүн”, эрхэлсэн ажилдаа эзэн байж чадах “Монгол хүн” хамгаас хэрэгтэй байна.

Эх сурвалж: www:lector.mn

СЕО Коллеж багийн гишүүн. Цэндийн Баатархүү

Маш их хүс эсвэл юуг ч бүү хүс

2011-12-13T17:13:00.005+08:00

Маш их хүс эсвэл юуг ч бүү хүс

Хорвоо дэлхий дээр амьдарч байгаа хүн бүхэн хүсэл мөрөөдөлтэй байж чадаж байгаа гэж би бодохгүй байна. Гэхдээ бүгдээрээ хэзээ нэгэн цагт нэг юмыг хүсэж мөрөөдөж байсан гэдэгт би тээнэгэлзэхгүй байна. Харин яагаад яг одоо бүгдээрээ хүсэл мөрөөдөлтэй байж чадахгүй байна вэ? Яагаад олонх маань хүсэл мөрөөдлөө өмнөө тавилгүй бүр цааш нь түлхэж олон асуудал, олон ажил гэсэн бодлыг баргар нүүрнийхээ шалтгаан болгож хором бүртээ ийн хариу үйлдэл өгнө вэ? Энэ асуулт яагаад өнөөдөр бүх хүмүүс - бүгдээрээ хүссэндээ хүрч чадахгүй байна вэ? Гэсэн асуулттай шууд холбоотой учир энэ талаар би хөндөж байна.

Угтаа бол бид хүсээд ч байгаа юм шиг. Гэвч хүслийн тэр гэрлээ унтраагаад харанхуй өрөөндөө арга зам хайгаад байгаа юм шиг. Төсөөлөөд үзээрэй. Та харанхуй шөнө машинаа жолоодоод явж байна. Гэхдээ гэрэлгүй. Ямар мэдрэмж төрөх нь ойлгомжтой, юу ч харагдахгүй. Харин та гэрлээ асаагаад явбал та замаа олж харна. Харанхуй замыг харахад туслах зүйл бол гэрэл. Би энэ гэрлийг хүсэл мөрөөдөл гэж нэрлэдэг. Хэрвээ та хүсэл мөрөөдлийн гэрлээ асааж чадвал асуудлуудын шийдэл хэвтэх харгуй замыг харж чадна. Эцэст нь та очих гэсэн газартаа хүрч чадна.

Өнөө цагт амжилттай яваа хүмүүсийн ганц нууц түлхүүр нь тэд хүсэхээ зогсоогоогүйд буй бөгөөд хүслийн тэр гэрэл нь асуудлуудын шийдэл орших тэр зам харгуйг гэрэлтүүлсээр байгаад оршиж буй юм.

Зарим хүмүүс шантардаг, дараа нь орхидог. Бяцхан хүссэнийхээ хариуд ихийг хүсч хүлээдэг. Үүнийх нь хариуд хүссэн юм нь ирэхгүй гэдгийг харамсалтай нь тэд мэддэггүй. Тийм болохоор өнөөдөр бүгд хүсэл мөрөөдөлтэй байж чадахгүй байна. Бүгд хүсэл мөрөөдлөө өмнөө тавьж чадахгүй болохоор бүгд амжилттай байж чадахгүй байгаа юм. Маш их хүс. Тэр таны асуудлуудын шийдлийг тань харуулах гэрэл байх болно. Маш их хүс. Тэр таныг хүссэнд тань хүргэх хөлөг байх болно. Та амьдралынхаа зорчигч нь биш жолооч нь, үзэгч нь биш гол дүр нь байх учиртай. Яг л интернэтээс юм татаж байгаатай адил хүслээрээ хүсэж буй зүйлээ тат. Маш хүчтэй. Өдөр бүр. Харин түүнийг бүү зогсоогоорой. Удахгүй гарч ирнэ. Татагдаж дуусна. Хүсэл дууссан цагт хүн өөрөө дуусдаг гэдэг. Зорвол, хүслээ зогсоосон цагт та өөрөө зогсоно гэсэн үг юм. Энэ цаг үед залуу хүн зогсоно гэдэг бол хурдацтай ухарч байна гэсэн үг.

Хүн хүссэн зүйлээ хийхэд хамгийн их хүч гардаг. Маш их хүс арга нь олдоно, түүний дараа хүссэн зүйлтэйгээ та учирж чадна. Тэр үед та уулруу гарч ирсэн өнгөрүүлсэн замаа хараад дараагийн өөр нэг уулруу харан инээмсэглэх болно. Учир нь та чадсан. Дахиж чадна гэдгээ ч мэдсэн мэдэрсэн болохоор тэр.

Амьдрал бол үхлийн өмнөх хүлээлт биш, Диваажин бол үхсэний дараа очдог газар биш. Бид энд ирсэн. Бид диваажинд хүргэгдсэн. Гагцхүү бид үүнийгээ л мэдэх ёстой. Зөвхөн үүнийгээ л мэдрэх ёстой.

Б.Мөнгөнбаяр

http://lector.mn/mash-ih-hus-eswel

Зүгээр л сургамж Гансүх

2011-10-30T13:13:00.000+08:00

http://www.youtube.com/watch?v=dZwD5znGrTo&feature=player_embedded

Хувийн бичлэг биш ажлынх ч, хэрэгтэй болов уу II

2011-10-24T00:00:00.002+08:00

Өнөөдөр таныг өөрчлөх зүйл юу вэ? /Хувь Хүний Хөгжил/

Өнөөдөр таныг өөрчлөх зүйл юу вэ? Хэрвээ өнөөдөр та өөрчлөгдөхийг хүсч байна гэвэл би тантай санал нэг байна. Хэрвээ өнөөдөр та аль болох илүү хурдан хэрнээ аль болох бусдаас илүү үр дүнтэй, хүчтэй өөрчлөгдөхийг хүсч байна гэвэл би бүр бүрэн дүүрэн тантай санал нэг байна.

Яагаад гэвэл өөрчлөгдөнө гэдэг эх сувгаасаа хамаараад хөгжих эс хөгжихийг замыг нээж өгдөг.

Гэхдээ яг яаж өөрчлөгдөнө гэж, яг яаж их хөгжлийн харгуй замаар алхаж зөвхөн гайхалтай хүмүүсийг харж биширдэг амьдралаасаа өөрөө гайхалтай харагддаг амьдралд шилжих вэ?

Хөгжлийг бүтээн босгохын тулд хамгийн эхэлж өөрийгөө таньж мэдэж /Хүний хөгжил, Амжилтын сэтгэл зүй, Дотоод нөөц бололцоогоо нээн илрүүлэх/, хувь хүний суралцах ёстой чадваруудад /суралцахад суралцах арга зүй, Ой тогтоолт Оюуны чадамж, Өөртөө итгэлтэй харилцааны чадвар, Зөв сайхан ярих ухаан, Багаар ажиллах чадвар/ суралцаж, хамгийн сүүлд нь хувь хүний зохион байгуулалт, цаг төлөвлөлт, хувь хүний маркетингыг эзэмших нь жинхэнэ хувь хүний хөгжлийн модуль буюу зам юм.

Бид үүнийг л заадаг. Бид үүнийг л 10 өдөр, 240 цагийн турш оюутан залуучууддаа нээлттэй байж 7 жил буюу 64800 цагийн нөр их хөдөлмөр, туршлагаасаа олж авсан мэдлэг мэдээлэл дээрээ үндэслэн заадаг. Мэдлэг ашиглагдах үедээ л хүчтэй байдаг. Тиймээс бид мэдлэгийг өгдөггүй, нэг ёсондоо өдрийн хоол болох загсыг барьж өгдөггүй, харин нэг насны хоол болох мэдлэгийг хэрхэн олж авах, мэдлэгийг хэрхэн ашиглах буюу загасыг хэрхэн барьж идэх аргачлалыг зааж сургадаг юм.

Магадгүй танд өөртөө итгэх итгэл, өөрийг чинь хүндэлдэг найз нөхдүүд, хувь хүний чадварууд гээд мөн өөр олон зүйл байхгүй бол санаа зовох хэрэггүй. Гагцхүү танд зөвхөн өөрийнхөө бодлыг л өөрчлөх бодол байвал бүх асуудлын шийдэл байна гэсэн үг. Та энэ сургалтыг их үнэтэй байна гэж бодож магадгүй. Гэвч энэ нь үнээ давсан үр дүнтэй, үр ашигтай олон жилийн туршлагийг багтаасан сургалт юм. Та 10 өдрийн 80’000-ийн энэ сургалтын нэг өдрийн 8000 мянган төгрөгийг ирээдүйн амьдралдаа хэд дахин үржүүлэх боломжтой. Яг хэд дахин бэ гэдгийг бид тооцоолж мэдэхгүй. Гагцхүү энэ бүхэн танаас хамаарах бөгөөд энэ нь таны урьд хожид өөртөө зарцуулж байсан хамгийн их үр ашигтай 8000 төгрөг болох байх.

Одооноос гайхамшигийг харч гайхан шагших биш, гайхамшиг нь юундаа байна гэж олж харж сурдаг болохын тулд “Хувь Хүний Хөгжил” сургалтанд ирж суралцацгаая. Энэ сургалт нь бусад бүх хүмүүс яаж оргилд хүрсэн тухай биш чи тэд нараас илүү өндөр оргилд хэрхэн хүрэх вэ тухай байх болно.

Утас: 70111839, 99049075

Сургалтанд суралцах хөрөнгө мөнгөний бололцоо муу нийт оюутан залуучуудад сургалтанд хамрагдах 1 боломжыг Монголын Лектор төвөөс олгохоор шийдвэрлэв. Сургалтын талаархи дэлгэрэнгүй мэдээллийг судалж өнгөрсөн, одоо, ирээдүй гэсэн 3 цагийн хэлхээнд багтааж бусдадаа танилцуулж удахгүй эхлэх 90 дэхь элсэлтэнд 3 –аас дээш найзаа ХУВЬ ХҮНИЙ ХӨГЖИЛ сургалтанд суралцахыг уриалж чадсан 1 сурагчийг сургалтанд 100% ийн хөнгөлөлттэй суух шагналыг албан ёсоор өгөх болно.

Хувийн бичлэг биш ажлынх ч, хэрэгтэй болов уу I

2011-10-23T23:53:00.003+08:00

16 шижигнэсэн ЛЕКТОР-үүдээр бүрдсэн 62 дахь Илтгэх ур чадварын Реторик сургалтын хамт олон төгсөхөд 3 хоног үлдлээ. Удахгүй шинэ анги эхэлнэ.

Урьд өмнө нь хүртэж байгаагүй зүйлээ хүртхийн тулд урьд өмнө нь сурч байгаагүй зүйлээ сурцгааж, сонсцгоож, хэрэгжүүлцгээж байгаа 62 дахь элсэлтийн 16 лекторүүд маань удахгүй төгсөх гэж байна.

Тэднийхээр бол илтгэх ур чадвар нь маш хүчирхэг санагдсан бөгөөд ийм хүч чадалтай болох нь асар их сайн зүйлийг эс бөгөөс асар их муу зүйлсийг ч авчирах хүчтэй мэт тодорхойлогджээ. Тэгэхээр, хэрвээ та ийм хүчирхэг чадвартай болохоос эмээж байвал энэ дараа долоо хоногт эхлэх сургалтанд бүртгүүлэх хэрэггүй шүү. Харин эмээхгүй, сайн сайхны эерэг хөгжлийн замналдаа өнгө нэмэхийг хүсэж байна гэж шийдвэр гаргасан бол та сургалтандаа бүртгүүлээрэй.

Өөрчлөлтөөс айх айдсыг чинь үгүй хийхийн тулд чи өөрийнхөө талаар юуг анзаарах шаарлагтайг, өөртөө итгэлтэй харилцаа, илтгэх ур чадварыг эзэмшихэд юунд суралцах шаардлагтайг энэ сургалтанд элссэнээр та эзэмших болно.

Хэрэв энэ бүхэн танд шаардлагтай бол Монголд илтгэх ур чадварыг хамгийн өндөр түвшинд зааж сургаж байгаа Монголын Лектор Төвийн зүгт, өндөр чадварыг эзэмшүүлж, хөгжлийг олгох энэ зүгт та алхах хэрэгтэй. Хэрвээ тийм чадвартай, хөгжилтэй болчихвол хэр их эрх мэдэлтэй, бусдыг татсан, нэр хүндтэй дотоод төдийгүй гадаад хүчтэй болохоо төсөөлж нэг үзээрэй.

Хичээлд хамрагдахаасаа өмнө та энэ сургалтаас олж авах үр ашгуудаа дэвтэртээ бичиж, дараа нь эдгээр чадваруудаа эзэмшисний дараа юу хийхээ бичээрэй.

Шинэ элсэлт удахгүй эхэлнэ. Дэлгэрэнгүй мэдээллийг:

Бүртгэлийн утсаар: 70111839, 99049075

Сургалтанд суралцах хөрөнгө мөнгөний бололцоо муу нийт оюутан залуучуудад сургалтанд хамрагдах 1 боломжыг Монголын Лектор төвөөс олгохоор шийдвэрлэв. Сургалтын талаархи дэлгэрэнгүй мэдээллийг судалж өнгөрсөн, одоо, ирээдүй гэсэн 3 цагийн хэлхээнд багтааж бусдадаа танилцуулж удахгүй эхлэх 63 дэхь элсэлтэнд 3 –аас дээш найзаа Илтгэх Ур Чадварын "РЕТОРИК" сургалтанд суралцахыг уриалж чадсан 1 сурагчийг сургалтанд 100% ийн хөнгөлөлттэй суух шагналыг албан ёсоор өгөх болно.